بنك فسويسرا دفع الصالير مدوبل ل30 ألف موظف بالخطأ.. ها شنو طلبات منهم السلطات

دوز واحد البنك فسويسرا سميتو "كانتون زيورخ" الصالير للخدامة فمدينة زيورخ مضوبل جوج دالمرات، بسباب واحد الخطأ تقني وقع فالبنك.
على حساب ماقالات الصحافة السويسرية، فهاد البنك دفع ليهم 200 مليون دولار، وهو رقم كبير بزاف، وهو شي لي خلا السلطات ديال المدينة تطلب من الموظفين أنهم يرجعوها.
نفس المصادر كتقول أن عدد الموظفين لي داز ليهم الصالير مدوبل وصل 30 ألف واحد، ودابا مزال كيدرسو كيفاش ممكن يرجعوها.
بالنسبة لسبب هذا الخطأ، كيقول البنك السويسري أنه جا مللي كان البنك السويسري كيوجد للصالير ديال الشهر الجاي.