وزير الخارجية الروسية لافروف ف كازا وها علاش

Elouali.zaz.1987@gmail.com
علمت "گود" من مصادر مطلعة، أن طائرة وزير الشؤون الخارجية الروسية سيرگي لافروف، غادي توقف اليوم الجمعة الموافق لتاريخ 23 فبراير 2024 فمطار محمد الخامس بالدار البيضاء.
وزير الشؤون الخارجية الروسية، سيرگي لافروف، كان مشارك اليومين اللي فاتو فقمة مجموعة العشرين المنعقدة فالبرازيل، ويمكن يكون توقف فمطار كازا عاد يكمل الرحلة نحو موسكو.
نفس المصادر ما أكداتش وجود زيارة لوزير الشؤون الخارجية الروسية، سيرگي لافروف، للمغرب أو أجندة ليه أو اجتماعات مع المسؤولين المغاربة.
ويشار أن آخر زيارة ديال وزير الشؤون الخارجية الروسية للمغرب كانت فأواسط شهر دجنبر الماضي خلال مشاركتو فالقمة الروسية العربية بمراكش، الشي اللي كيخلي احتمال زيارة لسيرگي لافروف للمغرب فهاد الوقت مستبعدة.