أديداس سبقت المنتخب المغربي والإسباني وخدات ابراهيم دياز

ماشي غير المنتخب المغربي والإسباني وريال مدريد اللي مراهنين على إبراهيم دياز يعطيهم الإضافة بالامكانيات اللي عندو كلاعب كرة قدم، ولكن حتى شركات عالمية حتى كتهافت على اللاعب اللي من أصول مغربية باش يكون واجهة إشهارية ديالهم.
وحسب جريدة "ماركا" الإسبانية، فشركة أديداس ديال الحوايج الرياضية ربحت صفقة إبراهيم دياز، وغيكون هو الوجه الإعلاني ديالها فالسنوات المقبلة، بعد منافسة مع شركة نايك اللي حتى هي متخصصة فالحوايج واللوازم الرياضية.
نفس المصدر كشف أن أديداس توصلت لاتفاق مع إبراهيم دياز باش يدير لهم الإشهار ويكون هو الوجه الإعلاني ديالهم خلال السنوات المقبلة، وان العقد غيسنيوه الايام الجاية والقيمة ديالو كبيرة غتخلي اللاعب يولي مليونير.
وكيجي حسم أديداس لصفقة إبراهيم دياز بعدم ولا اللاعب عنصر أساسي ومهم فريال مدريد الإسباني، مع العلم ان الصراع عليه كبر بزاف ما بين المنتخب المغربي والمنتخب الاسباني، وكلشي كيتسنى الماتشات الدولية المقبلة للمنتخبين باش يعرف شكون المنتخب اللي اختار ابراهيم دياز يلعب معه.