البوليساريو استاغلات مظاهرة فإشبيلية للتضامن مع غزة باش تروج لراسها

Elouali.zaz.1987@gmail.com
استاغلات جبهة البوليساريو والموالين ليها البارح الأحد، مظاهرة داعمة لفلسكين فمدينة إشبيلية باش يمررو خطابهم وتصورهم لنزاع الصحراء، ذلك المعادي للوحدة الترابية للمملكة المغربية.
واستاغلوا الموالين لجبهة البوليساريو إحتشاد نحو 1000 شخص فإشبيلية كيطالبو بوقف الأعمال العدائية فغزة وجرائم الإبادة الجماعية وكيضامنو مع غزة، باش يرفعو أعلام جبهة البوليساريو وشعارات داعمة ليها ضد المملكة المغربية والسيادة على الصحراء.
هاد الإستغلال البئيس كيجي فوقت كيعيش فيه صوت جبهة البوليساريو واحد الخفوت كبير فالمشهد الإسباني، بحيث تراجع حضورها بشكل كبير وقل التعاطي معاها على الرغم من أن إسبانيا من بين المعاقل الكبيرة ديالها بسباب الإستعمار الإسباني السابق للمنطقة والإرتباط بينها وبين المنطقة.
التراجع ديال حضور جبهة البوليساريو فالآونة الأخيرة يعود أيضا للتقارب الحاصل بين المملكة المغربية وإسبانيا بعد دعم الأخيرة لمبادرة الحكم الذاتي كأساس وحيد لتسوية ملف الصحراء، وهو الموقف اللي فشلات جبهة البوليساريو فتغييرو واخا كان دعم كبير من الجزائر ومن المعارضة الإسبانية بقيادة الحزب الشعبي اللي فشل فتشكيل الحكومة قبل ما يشكلها حزب العمال الإشتراكي بقيادة بيدرو سانشيث، ويستانر فإعتماد نفس الموقف الداعم للمغرب.