قاليهوم أنا راجلها.. البوليس فميامي شدو راجل بغا يدخل للدار ديال شاكيرا

شد البوليس ديال ميامي واحد الراجل حاول يدخل للدار ديال المغنية الكولومبية المعروفة "شاكيرا" مع الوحدة د الليل.
على حساب ماقالت الصحافة ف ميريكان، فهاد خونا لي شدوه سميتو دانيال جون فالتيه، وهو ف الخمسينات من عمرو، وفين شدوه البوليس قاليهم بأنه هو راجلها.
وفين زادو قلبو البوليس، لقاو أن السيد بصح كاتب ف الكونط ديالو على انستغرام أنه راجلها، وعندو معاها مشاريع مشتركة.
ولقاو كذلك انه سيفط ليها بزاف ديال الكادوات.
ماشي غير هادشي، خونا صدق نصاب، ولقاو بأن هادي ماشي هي الجريمة الوحيدة لي دار.