الأصوات قالت ليا نقتلهم.. اعترافات كتخلع ديال الأب اللي قتل مراتو و3 د ولادو ففرنسا

كشفات التحقيقات فالجريمة الخايبة لي هزات باريس هاد السيمانة على نتائج كتصدم، بعدما هضر المتهم على دوافع الجريمة ديالو.
هادي شي يامات ناضو الباريسين على وقع جريمة خايبة بزاف مشات الضحية ديالها مراة و3 د ولادها لقاوهوم مقتولين ف دارهم، وباهم غابر.
فاش شدو البوليس رب الأسرة، اعتارف بالجريمة لي دار وفاش سولوه علاش درتيها قاليهم: "الأصوات طلبات مني نقتلهم" و"نقتلهم بكل عنف".
وبالفعل التحقيقات قالت أن الراجل قتل مراتو وولادو بطعنات بالموس مجهدين بزاف، ولقات كل واحد من الدراري والمرا فبيت بوحدو.
وقال البوليس ان الراجل مريض نفسيا وكياكل الدوا، ولكن يمكن ديك الوقيتة مالتازمش وماخداش دواه.