البوليس ديال فرنسا شدو المتهم بقتل مراتو و4 ولادو.. التحقيقات اللولى كتقول أنه صفاها ليهم بموس

قالت الصحافة الفرانساوية ان البوليس شدو واحد رب أسرة، في باريس يشتبه انه هو لي دار جريمة قتل خايبة ف حق مراتو و4 ديال ولادو.
البوليس قالو إن المتهم معروف بمشاكلو الأسرية حيت شكاو بيه بزاف د المرات، وكيعاني من مشاكل نفسية وعقلية.
وقالت أن التحقيقات الأولى كشفات أنه الجريمة دارها بالسلاح الأبيض.
وكانت السطات الفرانساوية، علمات الثلاثاء، أنها لقات 5 الناس ميتين فلابارطومون ديالهم فمدينة "مو" شرق العاصمة باريس، ودابا القضاء داير أونكيط باش يعرف شنو واقع.
الصحافة الفرانساوية قالت، على حساب ما خبراتها مصادر د البوليس، أن الأمر كيتعلق بمرة و4 ديال ولادها، لقاوهوم ميتين.