مرا ضربات راجلها بجنوية بعدما تناكَر معاها على الحوايج اللي مامصبنينش

تناكَر راجل مصري ومراتو على الحوايج اللي مامصبنينش وتحول النقاش لجريمة.
الراجل قال في تصريح ل"سكاي نيوز" أنه مزوج مع مراتو هادي 9 سنين ومن نهار كتب ليها الدار في سميتها وهي مبدلة عليه، حسب تعبيرو.
هاد السيمانة ملي فاق لقا حوايجو كاملين مرقدين في الصابون وماعندو مايلبس باش يمشي الخدمة، على أساس زعما أن المرا غير خدامة ومفروض عليها غير الصابون و الشقا وغيرو من الأعمال المنزلية، وملي عيق عليها بالنكَير والتهديدات مشات جبدات موس من الكوزينة وضرباتو بيه.
الراجل حالتو خايبة ودابا في الصبيطار كيتبع العلاج.