هيونداي روتيم حتى هي دخلات باش تنافس على صفقات تطوير البنية التحتية ديال السكك الحديدية ف المغرب

قالت تقارير اقتصادية، أن الشركة الكورية هيونداي روتيم المتخصصة ف تصنيع معدات السكك الحديدية، والمنتجات الدفاعية دخلات لسباق المنافسة على صفقات تطوير البنية التحتية ديال السكك الحديدية ف المغرب، واللي كتعلق بمناقصات لشراء 168 طران جديد، منها 18 قطار فائق السرعة، بالقيمة ديال 16 مليار درهم..
وأضافت التقارير ذاتها، أن الشركة الكورية الجنوبية تزادت دابا على سبعة ديال الشركات المهتمة بحال (CAF) من إسبانيا، و(Siemens Mobility) من ألمانيا، ومجموعة (CRRC) من الشينوا، إضافة إلى (Hitachi Rail STS) من الجابون والطاليان، و(Alstom) الفرنسية وفرعها الإسباني (Talgo).
وكيستهدف مخطط السكك الحديدية رفع عدد المدن المرتبطة بالقطار، من 23 حالياً إلى 43، مع حلول 2040، مع إعطاء الأولوية لخط مراكش – أگادير، ثم تزنيت في اتجاه الجنوب، وصولاً إلى الحدود الموريتانية – المغربية، بالإضافة إلى ربط 12 ميناء و15 مطار. وكتقدر الكلفة الاستثمارية الإجمالية لهاد المخطط بنحو 400 مليار درهم (42 مليار دولار).