مارلاسكا فحوار مع لاپنگوارديا: المغرب كان ديما شريك موثوق به والجمارك التجارية جاية فالطريق

قال وزير الداخلية الإسباني، فرناندو گراندي مارلاسكا، ف جواب على سؤال ديال صحافي من جريدة لاپنگوارديا شكك في ثقة حكومة مدريد ف الرباط، بأن المغرب كان ديما شريك موثوق به من طرف الحكومة الإسبانية.
وراد المسؤول الحكومي الإسباني وقال، بللي العلاقات بين البلدين أخوية بزاف وتطورات مع مرور الوقت إلى أقصى قدر من الولاء بين الجانبين، كما نفى مارلاسكا تنصل الرباط من إعادة فتح الجمارك التجارية في سبتة ومليلية.
وبرر فرناندو گراندي مارلاسكا، التأخر اللي كاين فهاد الاتفاق الثنائي بين البلدين واللي منصوص عليه ف خارطة الطريق، بأن كل الاتفاقات كتستغرق ديما وقت لتنزيلها على أرض الواقع، وأن مسألة التأخير معندهاش علاقة بعدم وضوح المغرب ف هاذ القضية..