الركراكي: غنمشيو لكوب دافريك باش نفرحو المغاربة بحال المونديال ولكن ها شنو كاين

اكد الناخب الوطني وليد الركراكي ان المنتخب الوطني المغربي غيمشي يشارك فكاس افريقيا بالكوت ديفوار، باش يدير اللي فجهودو ويربح البطولة ولكن هذا الشي ما غيكونش بيديه هو بوحدو، حيث كاينين شي حوايج فالكورة ما شي بيديه هو، والمهم هو كلشي اللاعبين غيديرو واجبهم ويستعدو للمسابقة.
وتحدث الناخب الوطني وليد الركراكي فالندوة الصحافية اللي علن فيها اليوم الخميس على ال 27 لاعب اللي مشاركين فكوب دافريك مع المنتخب المغربي وقال: "حنا الرابعين فالمونديال دابا، وعندنا كروب غيمشي لكوب دافريك باش يفرح الشعب ديالنا كيفما مشى لكوب ديموند وبحال اللي كيديرو ديما،ك".
ووضح الركراكي: "وباش نقولو غنجيبو الكاس ولا ما غنجيبوهاش راه كاينين شي حوايج فالكورة اللي ماشي غير منا اللي خاصنا نكوطروليو هي الاستعدادات والالتزام وهذا الشي بينوه اللاعبين من قبل و غيبينوه فهاد البطولة وفالمستقبل وغيعطيو كل ما عندهم باش يفرحو بلادنا".