الركراكي بدا كيوجد الروتوش الأخيرة قبل كوب دافريك: عندو ديبلاصمون للخارج للحسم فلاليست دالأسود و 2 ماتشات وديين

بدا الناخب الوطني وليد الركراكي كيوجد الروتوشات الأخيرة قبل مشاركة المنتخب الوطني المغربي فكاس أفريقيا 2023، واللي غتبدا يوم 13 يناير المقبل فالكوت ديفوار.
وكشف مصدر مطلع، ان الناخب الوطني وليد الركراكي، غيدير جولة على برا غيرور فيها عدد من اللاعبين المغاربة المحترفين فأوروبا، باش يحسم فلاليست ديال اللاعبين المشاركين فكوب دافريك.
نفس المصدر، قال بلي المنتخب الوطني المغربي غيلعب ماتش اميكال قبل كوب دافريك غيكون ضد منتخب كامبيا يوم 7 يناير الجاي، وما غيكونش هو الأخير قبل كوب دافريك، حيث كاين ماتش اميكال ثاني غيلعبوه الأسود ملي يمشيو للكوت ديفوار.