سعيد الناصيري كيرتب الوضع داخل الوداد: باغي يخرج رمزي من الباب الكبير والبنزرتي يبدا خدمتو دغيا

خدام سعيد الناصيري رئيس الوداد الرياضي كيقاد الأمور داخل الفريق، مع رحيل الاطار الوطني عادل رمزي اللي غياخد بلاصتو التونسي فوزي البنزرتي.
وكشفت مصادر "كود" أن سعيد الناصيري داير لقاء مع المدرب عادل رمزي اليوم الخميس، باش يتافقو على صيغة للفراق بين المدرب والفريق، فالوقت اللي غيكون فيه اجتماع آخر ما بين الناصيري وفوزي البنزرتي باش يتافقو ويسنيو العقد ما بين النادي والمدرب التونسي.
ومن المنتظر يبدا فوزي البنزرتي الخدمة ديالو مع الوداد الرياضي اليوم الخميس فالعشية بأول حصة تدريبية فتيران بنجلون في انتظار تعيين مدرب مساعد له، مع العلم انه جايب مع بريباراطور فيزيك، والفريق غيسافر غدا الجمعة إلى تنزانيا باش يلعب ضد سيمبا التنزاني.