وضعية زهير المترجي صعيبة.. ولا خارج حسابات عادل رمزي والناصري صارم فالتعامل معه واللاعب ما عندو حتى عرض

طايح زهير المترجي لاعب الوداد الرياضي فواحد الموقف صعيب، حيث لا هو دابا لاقي بلاصتو فالفريق ولا هو جايب شي عرض باش ينتقل.
ومن بعد المستوى اللي ظهر به مع الوداد الرياضي خلال تواجد الفريق بالسعودية على هامش كاس العرب، والتغيب على عدد من الحصص التدريبية كيفما اكد رئيس النادي سعيد الناصيري فتصريح له، قرر عادل رمزي مدرب الواك يحيد زهير المترجي من لاليست اللي غتلعب مع الفريق الموسم الجاي.
والاكثر من هذا الشي هو ان زهير المترجي مازال عندو عقد مع الوداد الرياضي وخاصو يلتزم به، او انه يجيب شي عرض رسمي من شي فريق اخر باش ينتقل، وإلى حدود الان مازال الواك ما توصلو بحتى شي عرض من شي نادي باغي يسني معه، وهذا الامر كيخلي الوضع ديالو داخل الفريق الاحمر معقد وضبابي.