بلعيد الفقير دار مع 14 عضو فالمكتب المديري الجديد لحسنية اكادير

تشكل المكتب المديري الجديد ديال حسنية اكادير، برئاسة بلعيد الفقير اللي طلع رئيس فبلاصة المستقيل أمين الضور، وقاد حتى مجلس ادارة الشركة الرياضية د النادي.
واختار بلعيد الفقير 14 شخص باش يكون أعضاء المكتب المديري ديالو لحسنية اكادير هما النائب الاول يوسف اتركين، والنائب الثاني محمد علي بوحجر، والناطق الرسمي محند أهرابا، ونائب الكاتب العام حسن فراح، وأمين المال رشيد أبشوش، ونائب أمين المال يونس البزيوي.
والمستشارون هما حميد جريد، سعيد بن جلون، احمد مخلوق، عمر النوري، خالد اكشار، يوسف مونيس، خالد التويجري، الحسن هاميل.
اما بالنسبة لأعضاء مجلس إدارة الشركة الرياضية لحسنية اكادير، فهما بلعيد الفقير، حميد جريد، يوسف اتركين، سعيد البغدادي، رضا البعقيلي، سعيد الصقلي.
ومطالب المكتب المديري الجديد لحسنية أكادير باش يلقى حلول للازمة المالية الخانقة والتسييرية اللي كعيشها حسنية اكادير، واللي تفاقمت بعد رحيل الرئيس الأسبق الحبيب سيدينو، وعجز الرئيس السابق امين الضور واللي معه على حلها.