الجفاف بخر البحيرات والبيار وكحو.. 100 فيل نفقو فزيمبابوي

كارثة بيئية حقيقية عرفها العالم نهار الاثنين، بعدما علنات دولة زيمبابوي نفوق 100 فيل فمرة وحدة بسباب العطش، لي تزاد فالمنطقة بسبب الجفاف الخطير لي كيضرب البلاد.
على حساب ماقالت الصحافة في البلاد، فالجفاف الخايب بزاف لي جا البلاد تسبب فالجفاف ديال واحد البحيرة كبيرة كانو كيشربو منها هاد الفيلة.
هاد الفيلة كانو فواحد المنتزه وطني سميتو "بانغي" وفيه تقريبا 45 ألف فيل آخر، كلهم دابا مهددين يموتو بالعطش.
وعلى الرغم من أن هاد المنتزه فيه 104 بير كيخدم بالطاقة الشمسية إلا أن الجفاف هبط الما بزاف فالأرض والكثير منها وكح نهائيا.