لغز حير البوليس.. راجل قتل مراتو وولادو الثلاثة و2 بنات وانتحر

علنات السلطات في أوكلاهوما في ميريكان أنها وصلات لحل لغز 7 الجثث، وتبين أن راجل عندو 39 عام قتل مراتو وولادو الثلاثة لي عندهم ما بين 13 و17 عام وجوج بنات مراهقات لي كانو صديقات الأسرة.
الراجل قتل هاد العدد كامل ديال الناس ونتاحر، ولحد الآن ممعروفش علاش وكيفاش وشنو لي خلاه يدير هاد الجريمة الخايبة لي حيرات البوليس.
البوليس أكدو أن الجثث كاملة كانو مقتولين بقرطاسة وحدة في الراس، وتلقاو في بلدة صغيرة قروية في ميريكان.
المتهم لي قتل راسو متهم بالاغتصاب وكان متابع في قضية أخرى عندها علاقة بنفس الموضوع.