السيبة والضسارة.. جوج دراري تحرشو وتعداو على بنت فكازا ووقفوها فالطريق وكبو عليها البيرة -فيديو وتصاور

تعرضات بنت سميتها فردوس اليوسفي البارح الاثنين للتحرش والاعتداء من طرف جوج دراري في كازا لي حاولو يوقفوها في الطريق ومنعوها من السير وخرجو يديهم وعطاوها الصبع.
القضية ماوقفاتش عند هاد الحد، لكن الدراري لي كانو في طوموبيل من نوع “هيونداي” استغلو الفوروج ونزل واحد فيهم كيضرب ليها في الطوموبيل وكيسب فيها من الحزام لتحت والبنت مخلوعة وكتصور فيه.
بارطاجي يتشدو هاد الحگارة لي تكرفصو على هاد البنت
Publiée par GOUD sur Lundi 23 décembre 2019
ومن خلال الستوريات لي حطات فردوس لي معروفة فانستكَرام باعتبارها ماكيوز محترفة، بانو الدراري كيشربو في الطوموبيل وتحرشو بيها وملي شافوها كتصور نزلو وضربوها بالقراعي وكبو عليها الشراب.
البنت قررات أنها تحط فيديو وتصاور الدراري وأكدات أنها غادي تاخد حقها وغادي تندمهم حيت خسرو ليها نهارها وعصبوها وخلعوها وظلموها .