كيهم الوداد.. أسيك ميموزا ربحو كلاكسي والواك خاصهم يربحو سيمبا فماتش مصيري

انفرد فريق أسيك ميموزا الايفواري بصدارة الكروب الثاني اللي فيه الوداد الرياضي فدوري ابطال أفريقيا، بعدما ربح اليوم السبت فريق كلاكسي البوتسواني مفاجأة هذه المجموعة حتى لدابا، فماتش ضمن الجولة 3.
وقدرو أسيك ميموزا يربحو كلاكسي فبوتسوانا بنتيجة 2 لزيرو، وبهاد النتيجة انفرد الفريق الايفواري بصدارة الكروب الثاني برصيد 7 النقاط، اما كلاكسي ولاو هما الثانيين وبقات عندهم 4 النقاط.
وغيلعب الوداد الرياضي اللي فالمركز الأخير برصيد 0 بوان اليوم السبت فالعشية فمراكش عن نفس الجولة ونفس الكروب، مع سيمبا التنزاني مول المركز الثاني برصيد 2 نقاط، والوداد عندهم خيار واحد هو يربحو باش يحافظو على حظوظهم فهاد الكروب.