ها بروكرام الوداد فالدورة 1 و2 من كروبات الشومبيونزليك

حدد الاتحاد الإفريقي لكرة القدم بروكرام الوداد الرياضي فالجولة 1 و2 من دور مجموعات دوري أبطال إفريقيا لكرة القدم، واللي غيستقبل فيه الواك الماتشات ديالو فمراكش.
وغيلعب الوداد الرياضي يوم 25 نونبر الحالي مع جوانينك كالاكسي من بوتسوانا مع 8 الليل فالتيران الكبير ديال مراكش ضمن الجولة الأولى من دور المجموعات.
أما الجولة الثانية من نفس الدور، غيخرج فيها الفريق لعند أسيك ميموزا الإيفواري، يوم 2 دجنبر وغيتلعب الماتش فعاصمة الكوت ديفوار أبيدجان.
وكيتواجد الوداد الرياضي وصيف بطل النسخة الماضي، فالكروب الثالث ديال دوري أبطال إفريقيا مع كل من فرق جوانينك كالاكسي البوتسواني، وأسيك ميموزا الإيفواري، وفريق سيمبا التنزاني.