الوداد واجدين لكلاكسي البوتسواني وباغيين يبداو شومبيونزليك بالرباح

سالاو الوداد الرياضي الاستعدادات ديالهم لمواجهة فريق كلاكسي البوتسواني، فالماتش اللي غيلعبو غدا السبت فتيران مراكش الكبير.
الوداد دارو حصة تدريبية اخيرة مساء اليوم الجمعة قبل من مواجهة كلاكسي غدا السبت، وكانت فملحق تيران مراكش الكبير، وعرفت مشاركة كاع اللاعبين الا أمين بوالفتح.
مدرب الوداد الرياضي ركز خلال الحصة التدريبية على وضع آخر الروتوشات مع اللاعبين على النهج التكتيكي باش غيلعبو غدا، وكان الأجواء حماسية والتركيز مرتفع.
ومن المنتظر يحسم عادل رمزي فاللاعب اللي غيعوض أمين بوالفتح المصاب، من بين الثنائي أمين فرحان وحمزة الركراكي.