رمزي ولاعبين الوداد دخلو يقلبو التيران فين غيلعبو الفينال ضد صن داونز وها أحوال الحمرا فبريطوريا

دخلو لاعبين الوداد الرياضي اليوم الجمعة، يتعرفو على تيران ماتش اياب السوبر ليك الأفريقي فبريتوريا الجنوب افريقية، اللي غيلعبو فيه الاحد الجاي ضد ما ميلودي صن داونز الجنوب افريقي.
لاعبين الوداد الرياضي بقيادة المدرب عادل رمزي بداو كيديرو الحصة التدريبية ديالهم فتيران لوفتوس فيرسفيلد فبريطوريا، اللي غيتلعب فيه الماتش ديال فينال السوبر ليك الافريقي ضد ماميلودي صن داونز.
عادل رمزي مدرب الوداد الرياضي دخل وقلب الكازون ديال التيران باش يشوف كيفاش دايرة الجودة ديالو، وكيبان مزيان حتى لدابا قبل 48 ساعة من انطلاق المباراة، فالوقت اللي شاركو اللاعبين كاملين فالحصة التدريبية وكيكتاشفر التيران وسط اجواء زوينة.
وكانت اللجنة المنظمة للسوبر ليك الافريقي وعكس ما هو متعارف عليه، قررت تسبق الحصة التدريبية ديال الوداد الرياضي فتيران لوفتوس فيرسفيلد اللي غيتلعب فيه الماتش، مع العلم الحصة التدريبية فتيران الماتش كتكون عادة مبرمجة كآخر حصة قبل المباراة وكيتعرفو من خلالها اللاعبين على الملعب فين غيلعبو.
وقررت اللجنة تسبق الحصة من غدا السبت إلى اليوم الجمعة، وتغييرها لموعد الحصة بأنه احتياط من تضرر الكازون ديال التيران.