تغيير فبروكرام الوداد فبريطوريا قبل الفينال ضد صن داونز

تبدل بروكرام الوداد الرياضي فجنوب إفريقيا قبل مباراة إياب فينال السوبر ليك الإفريقي، اللي غيلعبو الفريق الاحد الجاي ضد ما ميلودي صن داونز الجنوب إفريقي.
اللجنة المنظمة للسوبر ليك الإفريقي وعكس ما هو متعارف عليه، قررت تسبق الحصة التدريبية ديال الوداد الرياضي فتيران لوفتوس فيرسفيلد اللي غيتلعب فيه الماتش، وهي الحصة التدريبية اللي كتكون عادة مبرمجة كآخر حصة قبل المباراة وكيتعرفو من خلالها اللاعبين على الملعب فين غيلعبو، (قررت تسبقها) من غدا السبت إلى اليوم الجمعة.
تغيير الحصة التدريبية ديال الوداد الرياضي على تيران الماتش من غدا السبت إلى اليوم الجمعة، تبرر من طرف اللجنة المنظمة للسوبر ليك بأنه احتياط من تضرر الكازون ديال التيران.