أشرف حكيمي: الماتشات فلافريك صعاب وتنزانيا عندها منتخب محترم فيه لاعبين مزيانين بحال ساماتا

كيشوف النجم المغربي أشرف حكيمي لاعب المنتخب الوطني المغربي أن الماتشات ديال ليكيب ناسيونال ضمن إقصائيات مونديال 2026، ما غيكونوش ساهلين، ولكن أكد بلي هو والأسود واجدين باش يحققو الرباح.
وتحدث اشرف حكيمي فدار السلام، خلال الندوة الصحافية اللي كتسبق ماتش المنتخب الوطني المغربي ومنتخب تنزانيا ضمن الجولة الأولى من إقصائيات مونديال 2026، وقال أن كاع الماتشات فلافريك صعيبة، ولكن ليكيب ناسيونال واجدين لها باش يربحو ويتأهلو.
وبخصوص منتخب تنزانيا المنافس ديال الأسود فماتش غدا، تحدث أشرف حكيمي، وقال إن المباراة ضد تنزانيا ما ساهلاش حيث المنتخب التنزاني عندو لاعبين مزيانين بحال علي ساماتا، بالإضافة إلى الدعم ديال الجماهير اللي غتكون فالتيران.