المغربي نائل ولد أسطورة التنس العيناوي محيح فبطولة فرنسا وتختار فتشكيلة السيمانة

كيواصل الدولي المغربي شاب نائل العناوي ولد أسطورة التنس المغربي العالمي يونس العناوي، التألق فالبطولة الفرنسية مع فريق لانس، ونيل الإشادة من المتتبعين.
وبعدما دخل أساسي فماتش البارح الاحد مع لانس ضد أولمبيك مارسيليا ضمن الدورة 12 من منافسات بطولة فرنسا، وهو الماتش اللي سالا لمصلحة لانس بواحد لزيرو، تختار النجم المغربي الشاب نائل العيناوي ضمن أحسن لاعبين هاد السيمانة فالبطولة الفرنسية.
واختارت جريدة ليكيب الفرنسية الشهيرة، المغربي نائل ولد العيناوي، مع أحسن تشكيلة ديال الدورة 12 من الليك 1، بعد العرض والمستوى اللي قدم مع لانس ضد أولمبيك مارسيليا فماتش لعب فيها رسميا حتى للدقيقة 86.
المغربي نائل العيناوي مول 22 عام، بدا كيدير بلاصتو شويا بشويا مع فريق لانس وقدر يماركي هذا الموسم 3 الاهداف، منهم واحد فشومبيونزليك.