الكاف: تذاكر فينال السوبر ليك بين الوداد وصن داونز تباعو كاملين

تباعو تذاكر إياب فينال السوبر ليك الإفريقي اللي غيتلعب اليوم الاحد بين الوداد الرياضي والمضيف ديالو ماميلودي صن داونز الجنوب إفريقي فبريطوريا بجنوب إفريقيا.
وعلن الاتحاد الإفريقي لكرة القدم قبل لحظات من اليوم الاحد، وعلى بعد ساعات عن انطلاق نهائي السوبر ليك بين الوداد الرياضي وماميلودي صن داونز، أن تذاكر فينال السوبر ليك بين الفريقين تباعو كاملين وما بقى والو.
وكيبلغ عدد الجماهير اللي غتحضر إياب فينال السوبر ليك الأفريقي بين الوداد الرياضي وصن داونز الجنوب إفريقي 50 ألف متفرج، وهو العدد اللي كيهز تيران لوفيتوس فبريطوريا فين ملعوب الفينال بين الفريقين اليوم مع 2 النهار.
وللإشارة فصن داونز شراو التذاكر ديال الفينال باش يفرقوهم فابور على جمهورو، ونفس الخطوة دارتها إدارة الوداد الرياضي حيث يقدرو الوداديين والمغاربة فبريطوريا يمشيو للفندق د النادي وياخذو تذاكرهم.