الوداد فبريطوريا: الفريق دخل مرحلة الإعداد الأخيرة للفينال.. جميع اللاعبين واجدين وحراسة أمنية مشددة على آخر حصة تدريبية

بدا العد العكسي لانطلاق ماتش اياب فينال السوبر ليك الافريقي لكرة القدم اللي غيتلعب غدا الاحد فبريطوريا، بين الوداد الرياضي ممثل المغرب وماميلودي صن داونز الجنوب إفريقي.
ودخلو الوداد الرياضي المرحلة الأخيرة فالتحضيرات ديالهم للفينال، والفريق دابا كيدير آخر حصة تدريبية قبل الماتش والأجواء داخل الفريق حماسية وزوينة، واللاعبين ناشطين وعارفين يتحكمو فالضغط اللي عليهم.
الحصة التدريبية الاخيرة قبل الفينال، غتكون فيها تمارين خفيفة تفاديا للإصابات وباش ما يتوعت حتى لاعب، وكتعرق مشاركة جميع العناصر بما فيهم منتصر الحتيمي اللي كانت شكوك من قبل فالمشاركة ديالو، ولكن الطاقة الطبي ديال الواك قد يوجدو والمدرب عادل رمزي هو اللي عندو القرار دابا واش يلعبو او لا.
خلال الحصة التدريبية غيدير عادل رمزي آخر الروتورشات مع اللاعبين على الخطة اللي غيلعبو بها الفينال ضد ماميلودي صن داونز الجنوب افريقي، وراه كتجرى دابا وسط حراسة مشددة من طاقم الأمن الخاص ديال الوداد الرياضي، تجنبا لشي عملية تجسس من الخصم او شي حد من الجمهور ديالو يبغي يبرزط مكونات الواك ويشوش عليهم.