صن داونز دايرين التعبئة الشاملة استعدادا لمواجهة الوداد فالسوبر ليك وباغيين يدخلو أكبر عدد ممكن من جمهورهم فالفينال

دعا الجنوب إفريقي رونوين ويليام حارس ماميلودي صن داونز جماهير الفريق، باش تحضر بقوة فماتش إياب فينال السوبر ليك ضد الوداد الرياضي الاحد الجاي فبريطوريا.
وفتصريح نشرو مامايلودي صن داونز على مواقع التواصل الاجتماعي، تحدث كول ماميلودي صن داونز ويليام وقال: "شي حاجة واعرة تسمع المشجعين ديالنا وهما كيغنيو فالتيران من الأول د الماتش حتى كيسالي".
وأكد الكول ديال صن داونز: "الجمهور ديالنا مهم ملي كيكون علينا الضغط، وخاصهم ضروري يجيو بزاف نهار الفينال ديال السوبر ليك".
للإشارة فماميلودي صن داونز دايرين الدخلة فابور للجماهير ديالهم فالفينال د السوبر ليك الاحد الجاي ضد الوداد الرياضي، وقالوا لهم يجيو بكري قبل ساعات من بداية المباراة باش ياخدو التذاكر ويلبسو الأصفر لون الفريق.