مونديال أندونيسيا U17: الأشبال خرجو رابحين باناما فالشوط الأول

محقق المنتخب الوطني المغربي لاقل من 17 عام، نتيجة إيجابية حتى لدابا فالماتش ديالو اللي ملعبو فهاد الوقت من اليوم الجمعة، أمام باناما ضمن الجولة الأولى من مونديال أندونيسيا U17.
وقدر المنتخب الوطني المغربي يسالي الشوط الأول من الماتش وهو متقدم على المنتخب البانامي بنتيجة واحد لزيرو، وماركا الهدف اللاعب سيف الدين شلاغمو.
المنتخب الوطني المغربي كان يقدر يخرج رابح فالشوط الأول بأكثر من هدف، حيث الأشبال خلقو فرص تسجيل كثيرة ولكن ضيعوها بسبب التسرع والتركيز اللي كيمشي لهم مرة مرة، وبالمقابل الباناميين جاتهم محاولات قليلة بزاف.
ومن المنتظر يدخلو الأشبال فالشوط الثاني بتعليمات من الناخب الوطني سعيد شيبا باش يماركيو أهداف اخرى ويقتلو الماتش، ويستغلو خرجو المنتخب البانامي اللي غيبغي يقلب على التعادل وغيخلي مساحات وراه.