الوداد وصلو بخير وعلى خير لجنوب إفريقيا وغيبداو يوجدو للفينال ضد صن داونز

وصلو الوداد الرياضي إلى جنوب إفريقيا باش يلعبو إياب فينال السوبر ليك الإفريقي مع ماميلودي صن داونز الجنوب إفريقي الويكاند الجاي.
طيارة الوداد الرياضي نزلت بخير وعلى خير فمطار جوهانسبورك بعد حوالي 10 الساعات ديال طيران، بعدما انطلقت من مطار محمد الخامس بالدار البيضاء فنص الليلة الماضية.
بعثة الوداد الرياضي خدات الكار من مطار جوهانسبرك وشدات الطريق لمدينة بريطوريا، فين غتلعب الماتش ضد صن داونز الاحد الجاي، وتماك فين غيبرك الفريق فالفندق يوجد حتى يوصل موعد الماتش.
لاعبين الوداد الرياضي غيرتاحو فالفندق، وبعدها غيديرو حصة تدريبية اليوم الخميس فالعشية، باش يحيدو عيا السفر الطويل، ويرجعو ينعسو حتى لغدا الجمعة يديرو حصة تدريبية ثانية ثم السبت غيديرو آخر حصة تدريبية قبل الفينال.