منخرطين فيوسفية برشيد دايرين جمع عام باش يجريو على الرئيس.. واش باغيين يرجعو البيضي

نايضين المكونات ديال يوسفية برشيد باغيين يحيدو الرئيس الحالي للنادي المدني فتح الله، فخطوة منها كتشير لشي حاجة كتخدم فالكواليس باش يرجع الرئيس السابق نور الدين البيضي اللي خرج فيه عفو من الجامعة والعصبة الاحترافية بعدما كان موقف 3 سنين.
وقررو منخرطين يوسفية برشيد إقامة جمع عام غير عادي تبعا لمقتضيات القانون الأساسي للنادي الرياضي اليوم الثلاثاء مع 6 لعشية بقاعة الاجتماعات بالملعب البلدي برشيد، ومن بين النقط المدرجة فجدول الأعمال د الجمع العام التداول في إقالة الرئيس الحالي وتعيين لجنة يعهد لها تسيير وتدبير الأمور إلى حين عقد جمع العام العادي.
ونايضة خلال الأيام الماضية بين الرئيس الحالي ليوسفية برشيد المدني فتح الله والرئيس السابق نور الدين البيضي، وكل واحد فيهم كيجر لعندو والفريق كيحصد النتائج السلبية.