الإسباني فيلدا ناشط بالخدمة الجديدة كمدرب للبؤات: فرحو بيا فاش تلقاوني.. كنوجدو لماتش ناميبيا فمراكش وخاص الجمهور يجي يعاونا على الرباح

كيواصل المنتخب الوطني المغربي للسيدات الاستعداد لمواجهة منتخب ناميبيا ضمن ذهاب وإياب الاقصائيات الافريقية المؤهلة إلى دورة الألعاب الاولمبية باريس 2024.
وكشف الناخب الوطني خورخي فيلدا رودريكيز، فتصريح للموقع الرسمي للجامعة الملكية المغربية لكرة القدم، على الأجواء داخل المعسكر د المنتخب الوطني واللي هو الأول له مع اللبؤات كمدرب جديد، وقال: "كنشكر اللاعبات على الموقف الإيجابي ديالهم معيا ملي جيت للمنتخب الوطني المغربي والاستقبال المزيان اللي دارو ليا".
وبخصوص الاستعدادات للماتش، وضح الناخب الوطني: "درنا 2 حصص تدريبية كان خاصنا نبداو التداريب غير شوية بشوية باش نولفوهم وما نبداوش بالجهد من الدبار، وليكيب بدات كتولف، نديرو كثر من هاد الشي، عندنا 2 ماتشات، المباراة الإقصائية الأولى هنا فمراكش".
وأكد الناخب الوطني على دور الجمهور فالماتش وقال: "خاصنا نموتيفيو الجمهور باش يجي يحضر الماتش ويتفرج فينا وحنا بغيناهم يجيو ويشجعونا باش نربحو الماتش، وما كاينش شي ماتش ساهل وخصوصا ضد فريق مزيان بدنيا، خاصنا نديرو اللي فجهدنا باش نربحو الماتش وهذا هدفنا".