الركراكي: فرحانين بالرباح التاريخي على البرازيل كنشكر للاعبين والجماهير

عبر الناخب الوطني وليد الركراكي على الفرحة ديالو بالرباح ديال المنتخب الوطني المغربي على البرازيل، وشكر الناخب الوطني اللاعبين ديال المنتخب الوطني المغربي والجماهير اللي شجعتهم.
وقال وليد الركراكي من بعد ماتش المغرب والبرازيل: "كنا باغيين نربحو اليوم فبلادنا وأول ماتش من المونديال وهذا الشي اللي وقع وحنا فرحانين، باش المنتخب يربح البرازيل لأول مرة فالتاريخ، اه البرازيل الأولين فكلاسمون الفيفا، كنشكر اللاعبين اللي بقاو فالنيفو واخا الإصابات، وكنشكر الجماهير على هذا الحب اللي كيعطيونا".
وحقق المنتخب الوطني المغربي رباح تاريخي على البرازيل بنتيجة هدفين لهدف واحد، بملعب طنجة كبير في سهرة رمضانية زوينة.