ماتش الوداد وإنييمبا مهدد باش ما يتلعبش الاربعاء.. الفريق النيجيري مازال ما جا لكازا وها علاش

صبح ماتش الوداد الرياضي وإنييمبا النيجيري ضمن إياب ربع نهائي السوبر ليك الإفريقي اللي خاصو يتلعب غدا الاربعاء فستاد دونور فكازا، مهدد باش ما يتلعبش فالموعد ديالو حيث الفريق النيجيري مازال ما جا للمغرب.
وعلن فريق إنييمبا ليلة الاثنين- الثلاثاء، أن الفريق ما دارش الرحلة ديالو إلى الدار البيضاء حيث السلطات المغربية ما عطاتش الإذن للطيارة بالنزول فمطار محمد الخامس بسبب الاضطرابات الجوية.
وأكد الفريق النيجيري أن البعثة ديالو رجعت للفندق ديالها فنيجيريا مع 12 ونص ديال الليل، في انتظار تصريح السلطات المغربية للطيارة اللي جايبة الفريق بالهبوط.