شدو الوداد الرياضي، صباح اليوم الجمعة، الطريق لنيجيريا، استعدادا لمواجهة فريق انييمبا النيجيري برسم ذهاب ربع نهائي السوبر ليك الإفريقي. وخدات بعثة الوداد الرياضي قبل لحظات الطيارة الخاصة ديالها اللي وفرتها لها اللجنة المنظمة للسوبر ليك، وهي طيارة طاليانية طارت من مطار محمد الخامس بالدار البيضاء إلى مدينة بورهاركوت النيجيرية، ومنها غتمشي البعثة الودادية إلى مدينة أويو اللي غيتلعب فيها الماتش ضد فريق إنييمبا النيجري. وسافرت بعثة الوداد الرياضي إلى نيجيريا متحمسة لتحقيق الرباح والرجوع بنتيجة إيجابية من نيجيريا إلى المغرب، خصوصا بعد زيارة رئيس النادي سعيد الناصيري لمكونات الفريق البارح فالليل فالفندق بالدار البيضاء، حيث موتيفاهم وطلع لهم المورال باش يعطيو اللي عندهم فهاد النسخة الأولى من السوبر ليك اللي كيمثل فيها الواك المغرب وماشي غير راسو. ومن المنتظر ترجع بعث الوداد الرياضي مباشرة بعد نهائى ماتش ذهاب ربع نهائي السوبر ليك الأفريقي أمام أنييما يوم الاحد الجاي، والاثنين تكون فالمغرب باش توجد لماتش الإياب اللي غيتلعب فكازا السيمانة الجايا.
