الوداد خرجو رابحين إنييمبا فالشوط الأول وجبران ماركا للحمرا أول هدف فالسوبر ليك

خرج الوداد الرياضي رابح إنييمبا النيجيري، فالشوط الأول من الماتش اللي بادي بين الفريقين اليوم الاحد فنيجيريا ضمن ذهاب ربع نهائي السوبر ليك الافريقي.
الشوط الأول بين الوداد وإنييمبا سالا بواحد لزيرو، وكانوا فيه الواك الأكثر تحكما فالماتش، وقدرو يجيبو بيلانتي بواسطة أيوب العملود اللي خرج من وسط مدافعين إنييمبا ولقى راسو فاص أفاص مع لكول بعد تمريرة من حمدو الهوني، والكارديان ديال إنييمبا ما كانش عندو حل من غير يطيحو، والحكم صفر بيلانتي فالبلاصة حولو الكابيتان يحيى جبران فالدقيقة 39، إلى هدف أول للواك فالماتش وفالسوبر ليك الإفريقي.
ومن المنتظر يزيدو الوداد يقلبو على أهداف أخرى فالشوط الثاني من الماتش، خصوصا وأن إنييمبا غيخرجو يقلبو على التعادل، وهذا الشي غيخلي الفريق النيجيري يدير أخطأ ويخيلي مساحات خاص يستغلوها مهاجمين الواك فليكونطر أطاك.