الرجاء شمتو بركان فتيرانها وربحوها وقربو من الصدارة

نجح الرجاء الرياضي فتحقيق فوز مهم على نهضة بركان اليوم السبت فالتيران البلدي ديال نهضة بركان، ضمن الجولة 12 من منافسات البطولة الإحترافية لكرة القدم.
وسالا الماتش ما بين الرجاء ونهضة بركان بنتيجة 2 أهداف لزيرو لمصلحة الخضرا، من بعد بزاف ديال الفرص اللي خلقو الفريقين فالشوط الأول والثاني، انتظر فريق الرجاء الرياضي الدقيقة 84 من المواجهة باش يفتتح التسجيل عن طريق محمد زريدة اللي جاه باس من عند صاحبو حمزة خابا ودار كونترول وضرب الكرة بطريقة واعرة لمرمى نهضة بركان وسجل هدف عالمي على لكول البركاني حمزة حمياني، ومنح الهدف الأول للنسور.
ومن بعدها غادي يخرجو براكنة يقلبو على التعادل وغيخليو المساحات فالظهر ديالهم الشي اللي غيستغلو الظهير الأيسر الرجاوي محمود بنتيك فواحد الكونتر أتاك ونطلق فاتجاه مرمى بركان حتى وجد راسو فاص أفاص مع الكول حمزة حمياني ضرب الكرة للشبكة وسجل الهدف الثاني للخضرا فالدقيقة 89 وظلت النتيجة كيفما هي حتى سالا الماتش.
وبهاد الرباح رفع الرجاء الرياضي الرصيد ديالو إلى 20 نقطة، وقلص الفارق مع الصدارة الى 4 النقاط كيحتل إلى المركز الرابع، أما نهضة بركان فتجمد رصيدو عند 14 نقطة وكيحتل المركز 10.