واش الوكالات الجهوية غاتحيد للداخلية تدبير التعمير فكازا؟..الوزيرة المنصوري ل"كود": النقاش حول الوكالة الحضرية ديال كازا غايتحسم بينا وبين الداخلية

واش الوكالات الجهوية للي عددها 12 غاتولي تشد كازا حتى هي علما أن تدبير قطاع التعمير والتخطيط العمراني والتصميم شاداه وزارة الداخلية فهاد المدينة؟. سؤال وجهناه لوزيرة إعداد التراب الوطني والسكنى والتعمير، فاطمة الزهراء المنصوري لي عطات جواب غامض مفادها بلي هادشي غادي تحسمو بالنقاش مع وزارة الداخلية.
وقالت المنصوري في جوابها على سؤال "كود"، :"الدار البيضاء واش داخلة فالوكالات الجهوية، هاد المدينة هي الوحيدة لي من اختصاص الداخلية ماشي الجهة، وهذا غايكون نقاش بين جوج وزارات".
وأشارت المنصوري بلي الوكالات الحضرية معندها تا علاقة بتدبير هاد الدعم الجديد للسكن، وللي غايتكلفو به هوما الوكالات الجديدة للي القانون ديالها كيتوجد باش يدوز فالبرلمان.