ارتفاع عدد القرطاس المحجوز ل 110 قرطاسة فلوطوروت سطات مراكش

كشفات مصادر ديال "كود " ،ان القرطاس لي لقاوه مصالح الدرك مليوح بالطريق السيار سطات مراكش اوصل 110 قرطاسة لي حجزوا في عمليات تمشيط بالطريق السيار ، بالإضافة الى قطعة السلاح الناري لي حجزو مصالح الدرك بسيدي بوعثمان .
المصدر نفسه تيقول ،ان عناصر الفرقة الوطنية للأبحاث القضائية التابعة لجهاز الدرك بالرباط ،حلت ليلية امس الجمعة بمكان وجود القرطاس او بدات لانكيط باستعمال وسائل تقنية ،وذلك بعدما تسلمات تقرير اولية من عند الضابطة المكلفة بالبحث سواء ديال مراكش او ديال سطات .
المصدر ذاته قال ،ان ضباط الفرقة الوطنية ديال الجندارم مرفوقة بفرقة خاصة من البحث عن ادلة جنائية بداو البحث ديالهم بتتبع مسار تواجد القرطاس ومباشرة الابحاث التقنية والعلمية وذلك لفك لغز هذا الفلم لي دار استنفار امني لجميع الاجهزة الامنية .