أسامة العزوزي: فرحان حيث غنلعب للمغرب وهذا الحلم ديالي ملي كنت صغير

عبر أسامة العزوزي لاعب بولونيا الطلياني على الفرحة ديالو حيث عيط له الناخب الوطني وليد الركراكي باش يلعب مع المنتخب الوطني المغربي، وأكد أنه باغي يربح الماتشات بجوج ضد الكوت ديفوار وليبيريا.
ودوا أسامة العزوزي مول 22 عام، فتصريح للموقع الرسمي ديال الجامعة الملكية المغربية لكرة القدم، وقال: "أنا فرحان بزاف حيث عيطو ليا باش نلبس توني المنتخب الوطني المغربي، وملي كنت صغير وأنا كنحلم نلعب مع المغرب بلادي وراني فرحان حيث كاين فهذا المعسكر التدريبي".
وكمل العزوزي اللي كيلعب فوسط التيران وقال: "باغيين نربحو الجوج ماتشات ضد الكوت ديفوار وضد ليبيريا، وغنعطيو أحسن ما عندنا باش نديرو نتيجة مزيانة".