الوداد نساو رباح الزمامرة وبداو يركزون على طنجة ورمزي كيوجد فيهم قبل السفر

صبحو الوداد الرياضي اليوم الخميس كيوجدو للماتش ديالهم ضد اتحاد طنجة ضمن الدور 6 من البطولة الاحترافية لكرة القدم، وهذا الشي بعدما ربحو البارح الاربعاء فريق نهضة الزمامرة فالدورة 5.
وجمع عادل رمزي لاعبين الوداد الرياضي صباح اليوم الخميس فحصة تدريبية فتيران بنجلون فكازا، وخدم معهم هو والطاقم التقني ديالو الكوطي فيزيك باش يحيد منهم عيا ماتش الزمامرة، ويربجعو لهم لافريشور بعد 90 دقيقية لعبوها البارح ما كانتش ساهلة.
الوداد الرياضي دخلو اجواء التركيز على ماتش اتحاد طنجة اللي من المنظر يتلعب السبت الجاي فتيران سانية الرمل فتطوان بلا جمهور، وغيوجد الفريق اليوم الخميس وغدا الجمعة يتدرب ويشد البراق من كازا لمدينة طنجة باش يلعب الدورة 6 مع الطنجاويين فتطوان.