بعدما وصلو لغينيا.. الوداد بداو كيوجدو فكوناكري لماتش هافيا وها جديد الفريق

دارو الوداد الرياضي اليوم الجمعة اول حصة تدريبية فغينيا، استعدادا لمواجهة فريق هافيا كوناكري الغيني، يوم الاحد المقبل برسم ذهاب الدور التمهيدي لعصبة ابطال افريقيا.
الحصة التدربية الاولى للوداد الرياضي فالعاصمة الغينية كوناكري، دازت فالجردة ديال فندق اقامة الفريق وخلالها ركز المدرب عادل رمزي على ازالة عياء السفر من اللاعبين، و الكوطي فيزيك ويطلع لافريشور عندهم.
الاجواء داخل الوداد الرياضي فغينيا زوينة ولو كاينة واحد الغصة بسبب فاجعة زلزال الحوز اللي ضرب المغرب اللي ماتو فيه الناس ومرضو، ولكن الكروب محفز وباغي يجيب رباح من غينيا يفرح به الجماهير المغربية وماشي غير الوداديين.
ومازال عند الوداد الرياضي حصة تدريبية اخيرة قبل الماتش، غتكون غدا السبت فتيران كوناكري اللي غتكون فيه المواجهة مع هافيا الاحد الجاي.