مسؤولين هافيا كوناكري باغيين يبرزطو الوداد فالماتش بغينيا

بداو هافيا كوناكري الغيني كيوجدو لاستقبال الوداد الرياضي فماتش الدور التمهيدي لعصبة أبطال إفريقيا اللي غيتلعب الاحد الجاي مع 4 العصر بتوقيت غينيا، وباغيين يديرو المفاجأة ويربحو الواك.
وخرجو المسؤولين ديال هافيا كوناكري الغيني قرار باش يضغطو على الوداد الرياضي فالماتش، قررو يعطيو لاكسي للجمهور د فريقهم باش يدخل فابور يوم المباراة لتيران كوناكري يشجع اللاعبين ديالهم ويضغط على لاعبين الوداد.
ومن المنتظر تعرف مباراة ذهاب الدور التمهيدي من عصبة أبطال إفريقيا بين الوداد الرياضي وهافيا الغيني فكوناكري الأحد الجاي، حضور كبير من الجماهير الغينية فالتيران، حيث رافعين التحدي وعارفين القيمة الكبيرة ديال الواك فلافريك، وبالنسبة لهم بحال هذا الماتش ما غيتعاودش ديما.