المباركي بشجاعة للسوالم بعد الخسارة مع الماص بثلاثية: سيرو قلبو لكم على مدرب ما نصلاح لكم ما تصلاحو ليا

قرر بوشعيب المباركي مدرب السوالم يمشي بحالو من الفريق بعدما خسرو مع المغرب الفاسي بنتيجة 3 لزيرو، وكيشوف أن الفريق ديالو فيه شي حاجة ما مفهوماش.
وتحدث بوشعيب المباركي فتصريح له بعد نهاية الماتش وقال: "كاينين شي حوايج ما نقدرش نفهمهم أنا كان فرق بين السوالم فالشوط الأول والثاني وكاينين أخطاء اللي ما يقدرش يدخل فيهم المدرب".
وكمل بوشعيب المباركي وأكد: "3 خسارات متابعين وكنستاهلو نخسرو اليوم، أنا كنأمن بالخدمة ديالي وعندي واحد اللعب ما يمكنش ليا نبدلو، هما تبعاهم الخدمة وأنا هذا آخر ماتش ليا مع السوالم".
وشدد المباركي: "يقلبو من دابا على مدرب اللي غيمشي مع الاستراتيجية ديالهم، بالنسبة ليا أنا عندي واحد اللعب وغنحافظ عليه ملي نمشي لشي فريق آخر".
وختم بوشعيب المباركي النجم السابق للرجاء والمؤطر السابق بالفريق الأخضر: "أنا تزاديت ففريق كيلعب الكرة (الرجاء) ما يمكنش نبدل أسلوب اللعب ديالي واخا نخسر، ولكن اليوم كتحس بشي حوايج ما بين الشوط الأول والثاني اللي ما مفهومينش".