هاشم مستور: خلصت الثمن حيث فضلت المغرب على إيطاليا ولكن هاد الشي درتو بصدق ومازال غتجيني فرصة نلعب مع المنتخب المغربي

كشف الدولي المغربي هاشم مستور النجم السابق لميلان الإيطالي، أن السبب فالكاريير ديالو حتى تهرست هو انه اختار يلعب للمنتخب المغربي، وهذا ما عجبش الطاليانيين وخلاهم يتقلقو منو.
وفحاور له مع موقع "فوت ميركاتو" الفرنسي، خرج هاشم مستور اللي كيلعب دابا مع اتحاد التواركة اللي فقلبو، وقال بلي اللي تسبب له فالكاريير ديالو هو انه اختار يلعب للمغرب، وان هذا الشي ما عجبش الإيطاليين والميلان، وانه دفع الثمن ديال هذا الاختيار ولكن القرار ديالو بأنه يلعب مع المغرب كان صادق.
هاشم مستور مول 25 عام، اللي حقق الصعود مع الزمامرة الموسم الماضي إلى القسم الوطني الاول، ومشى يلعب بعدها لاتحاد التواركة، مؤمن بأنه غيرجع يلعب مع المنتخب الوطني فيوم من الايام وقال أنه غتكرر هذه الفرصة فالمستقبل، وشكر العائلة ديالو اللي وقفت معه وفريق الزمامرة اللي عطاه فرصة فين يعاود يحيي الموهبة ديالو.
وكلشي كان كيتسنا هاشم مستور يدير كاريير كبيرة فعالم كرة القدم، خصوصا بعدما بان فميلان الإيطالي وهو فعمر صغير وقدم مستويات كبيرة وسط عدد من النجوم، وبعدما فضل يلعب للمغرب على إيطاليا، دازت فترة قصيرة وهو يدخل فكتئاب ما بقاش كيلعب وكلشي تصدم بهذا الشي.