ها الفرقة اللي باغيا هاشم مستور لعاب الزمامرة

صبح الاسم ديال النجم المغربي هاشم مستور واللي جا للمغرب الصيف اللي فات، يلعب مع نهضة الزمامرة باش يرجع الفورما من بعدما تراجع المستوى ديالو، (صبح) مرتبط بعدد من فرق البطولة.
ومصدر مطلع كشف أن الفريق اللي مهتم بخدمات هاشم مستور اللعاب السابق ديال ميلان الطلياني واللي كيلعب دابا مع نهضة الزمامرة، هو فريق نهضة بركان، وأنه بالفعل البركانيين عاجبهم الزماكري وكيفكرو باش يلعب معه فالمستقبل، ولكن الحسم كيبقى لهاشم مستور اللي حتى حد ما عرف واش عندو رغبة يكمل الكاريير ديالو فالمغرب ولا جا يلعب فالزمامرة غير مؤقتا ويرجع للطليان، مع العلم أن العقد ديالو مع الدكاليين فيه موسم واحد.
وكانت راج بزاف ديال لكلام على أن هاشم مستور اللي متألق مع نهضة الزمامرة ومساهم فتصدر الفريق الدكالي للقسم الثاني، مطلوب فعدد من فرق القسم الأول وفمقدمتها الرجاء الرياضي لكن كيبقى نهضة بركان هو واللي متبع اللعاب بشكل كبير.