عموتة: كنستاهلو الرباح ولكن مازال خاصنا نطوروا ريوسنا وهاعلاش الفوز على بركان مهم

أكد الحسين عموتة مدرب الوداد الرياضي أن الفريق الأحمر استحق الفوز على نهضة بركان نهار الأحد فالجولة 4 من البطولة الإحترافية لكرة القدم، لكن الفريق مازال خاصو يخدم باش يكون احسن، والفوز فهذا الماتش مهم قبل السفر إلى نيجريا من أجل يلعب العصبة.
وقال عموتة من بعدما الوداد ربح بركان بهدفين لصفر: "ليماتش ديال الوداد الرياضي ونهضة بركان ديما كتكون قوية، والجمهور ديالنا كان كينتظر ردة فعل من بعد ضياع السوبر الإفريقي، واليوم شفنا الوداد فريق متماسك وبين على إرادة قوية وبين على أننا باغيين نربحو، دخلنا مركزين بشكل كبير من اول دقيقة ".
وتابع عموتة الحديث ديالو: "اليوم استحقينا الرباح حيث سجلنا هدفين وضيعنا فرص اخرى وكان ممكن الحصة تكون أكبر، ولكن وخا ربحنا راع اللعابا مازال خاصهم الوقت باش يطورو مستواهم ونكونو قويين هجوميا".
وشدد عموتة على اهمية الرباح اللي حقق الوداد أمام بركان وقال: "كنا محتاجين نربحو بركان قبل ما نديبلصاو لنيجيريا باش نلعبو عصبة الابطال، الفريق محتاج فقط لتداريب أكثر والتركيز أكثر باش المردود ديال اللعابا يكون احسن من ماتش اليوم".