المنتخب المغربي خرج رابح بوركينافاسو فالشوط الأول فماتش فيه مشاعر الحداد على ضحايا الحوز

خرج المنتخب الوطني المغربي متفوق فالماتش أميكال اللي لاعب اليوم الثلاثاء ففرنسا، مع منتخب بوركينافاسو، مع العلم أنه قبل ما تبدا المباراة وقف كلشي دقيقة صمت حدادا على ضحايا زلزال الحوز.
وسالا الشوط الأول بين المنتخب الوطني المغربي وبوركينافاسو بنتيجة واحد لزيرو لمصلحة الأسود، اللي تسناو حتى الدقيقة 36 باش يماركيو الهدف الأول حتى لدابا بواسطة عز الدين أوناحي، بعدما قد يبني هجمة ولعب الكرة بشكل سريع مع أشرف حكيمي وأسيست من أمين العدلي واخترق دفاع البوركينابيين وضربها للشبكة ماركها.
وملي سجل عز الدين أوناحي الهدف للمنتخب المغربي، ما بغاش يحتفل هو وصحابو حيث بحالهم بحال جميع المغاربة فحالة حداد، وتجمعو كاملين وتعانقو فميساج على أن المغاربة كلهم يد وحدة.