تارودانت.. العامل ناقص وتعطل فتدبير أزمة الزلزال وعلى عكس مراكش و الحوز والسلطات منعت الناس يفرقو المساعدات

أفادت مصادر "كود" أن سلطات عمالة تارودانت منعات المواطنين لي جاو من عدد من المدن باش يفرقو المساعدات على السكان المتضررين من الزلزال المدمر لي ضرب نهار الجمعة بلادنا.
مصادر كود قالت إن عدد من الناس لي جابو المساعدات رجعو فحالهم بعدما طلبو منهم فالعمالة يعطيوهم المساعدات باش يفرقوهوم هوما.
للإشارة فعمالة مراكش و الحوز دازت الامور اليوم عادية سلسة و الناس لي جاو من ربوع المملكة فرقو المساعدات على المواطنين المتضررين عكس تارودانت لي فيها شي حاجة مامفهوماش حيث السلطة منعت الناس توصل للمناطق المتضررة فالأول، ودابا كايمنعوهوم يفرقو المساعدات علما أنه كاينين الناس لي متضررين بزاف وكاينين دواوير مزال ماوصلهم حتى واحد .
عامل تارودانت ديما معطل وضعيف فالتدبير، شوفو غير كيفاش دبر الفيضانات الاخيرة وملف الصحة، سبيطار مهترئ بتارودانت، والمسؤول فدار غفلون.