طنجة بداو البطولة بالخسران مع السوالم وطنجاوا خايفين من تكرار سيناريو الموسم الماضي

بداو اتحاد طنجة الموسم الجديد بالخسران، وخذاو جوج لزيرو من عند فريق شباب السوالم.
وقدرو السوالم يماركيو 2 بويتا على اتحاد طنجة فالماتش اللي تلعب بين الفريقين اليوم الاحد فالعشية فتيران سانية الرمل بتطوان، وسجل الهدفين للسوالم كل من يونس الساخي فالدقيقة 5، وأشرف حميدو فالدقيقة 25.
وبهذا الرباح كيكون اتحاد طنجة هذا الموسم كرر نفس الانطلاقة ديال الموسم الماضي بحصد النتائج السلبية من الديبار، وبالمقابل شباب السوالم اللي بالامكانيات ديالو المحدودة كيواصل التألق فالقسم الاول وبدا الموسم بثلاث نقاط مهمة.